عفواً ممنوع دخول المنتقبات "موضوع تبع القوات المسلحة " الدخول لغير المنتقبات"فقط " انا بحذر اهو..

أهلا وسهلا بأخواتي "الغير المنتقبات" الفاضلات
نورتم الساحة العسكرية التي تتبع القوات المسلحة التي تمنع دخول المنتقبات .
فها هو موضوع خاااااص بكن انتن فقط اخواتي دون غيركن
فـ

ها ايه رأيك في الفانوس دا يا اختي ؟؟
حلو صح ؟
اه جميل جدااا
طبعا الفوانيس من الحاجات المعتادة اللي بتدل ع اقتراب شهرنا الحبيب " رمضان "
اه طبعا ربنا يبغلنا إياه يارب
امين يارب
طبعا انتي نفسك تعملي في رمضان عبادات محصلتش اكيد صح ؟
صح طبعا ربنا يقدرنا ويعينا ويقوينا
ياااااارب , داحنا لازم نستعدله من دلوقت , ونعمل اي عمل ايجابي من الآن
إما بترك معصية ... أو عمل طاعة
فايه رأيك لما يكون العمل الايجابي دا هو :
{ارتدائك لزي العفاف "النقاب " } ؟؟
انا عارفة انك عارفة انه طبعا فرض اظن اتكلمنا في الموضوع دا يااااااااااااااا آلاف المرات وانتي مقتنعة لأن جواكي الخير انا عارفة .
عارفة بس .....
بس ايه يا اختي !
هتفضلي تأجلي لأمتي ؟؟؟
هتفضلي تأوحي نفسك لأمتي ؟؟
هتفضلي مفرحة الشيطان ومرضي القلوب بجمالك لأمتي ؟؟
هتفضلي متكاسلة وتقولي اصل ماما .. اصل بابا .. اصل زوجي .. اصل ..... لأمتي ؟؟
هتفضلي متقتديش بأمهات المؤمنين لأمتي ؟؟

لأمتي يا اختي الفاضلة ؟؟؟؟؟
لحد ما العمر يخلص _أطال الله في عمرك يارب _
اصل محدش يعرف أجله امتي ؟
فلازم نعمل حساب اللحظة الرهيبة دي في ظل ان الموت الفجأة كتر جدااا هذه الايام

فيا تُرى كيف ستكون خاتمتى وخاتمتك؟ ..
هل ستُوفق لقول لا إله إلا الله؟..
أم ستظل الدنيا في قلبك وتُشغِل تفكيرك حتى عند الموت؟..

اسمحي لي اختنا ان اطرق قلبك وقلبي معكِ بهذه الكلمات لعلها تصل
لابد أن نتدارك أنفسنا قبل أن يفوت الآوان ..
فالله سبحانه وتعالى يُرسل لنا الرسائل وإن لم نستجيب ويتحرك قلبنا لهذه الرسائل ولذكر الموت، سنُبتلى بعقوبة ما أشدها وأصعبها وهي انتكاسة القلب فيصير قلبك قاسي وغافل ..عفانا الله وإياكم من فتنة المحيا والممات

تأمل عتاب ربك لك، حين قال جل فى علاه ..

{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ}
[الحديد: 16]

ما أصعبه من عتاب على القلوب ..
ألم يأن الآوان؟؟
لماذا لا تريد أن ترجع إلى ربك؟؟
ألم تأتك النُذر بعد النُذر؟؟
ألا تخاف من الوقوف بين يدي ربك وليس بينك وبينه حجاب؟؟ ..
ووقتها لن ينفعك شيء سوى عملك الصالح ..

بلـى، قد آن الأوان يـــا رب.
فوالله الذى لا إله إلا هو، سعادتك لن تكون إلا فى طريق ربك .. ولتكن لك وقفة بينك وبين نفسك، تعترف فيها بكل تقصيرك لربك .. وربك غفور تواب رحيم، لن يردك أبدًا مادمت صادقًا .. وترجم هذه الرغبة بداخلك إلى أفعال، لأنه لو دخل قلبك الإيمان حقاً سيُصدقه عمل ..

وها هو آن الآوان
رمضان في الطريق خلااااااااااص
وهو أكثر حاجة هتعينا وهتساعدنا بس لما احنا الاول نتحرك
ونبدأ خطوة تلو الأخرى حتى نصل .. فقد قال الرسول صلى الله عليه وسلم
"إن هذا الدين متين فأوغلوا فيه برفق"
[صحيح الجامع رقم (2246)]

فمن سوف يُلبى نداء الله ؟ ..

{ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ ..} [ الحديد: 16]

هذه هي لحظة التغيير فى حياتنا كلها .. اغرس هذه المعاني في قلبك وتعايشها واصرخ من داخلك

وقل: آن الأوان يـــــــا رب ..

آن يـــــــارب

آن يــــــــارب

جايلك يارب

راجعلك يارب

قبل ان تأتي لحظة الندم بتقول فيها
( ربي ارجعون لعلي اعمل صالحا )

فيرد عليك الله بـ ( كلا )

يااااااااا كلمة كلا معناها انسي ..انت بتحلم .. خلاص .. فاتك القطر.. العمر خلص .. مهما عملت ومهما قلت لا يمكن هترجع لحظة واحدة حتي تقول فيها ( لا اله الا الله ) ..

( كلا ) !!!!!!!!!

يا تري هتستني لما تتقالك وانت علي فراش الموت ؟؟؟؟؟؟؟؟

اللحظة اللي فيها لا تملك اي شيء حتي اعضائك لا تملك ان تحركها , لسانك دا اللي من شوية كنت بتتكلم عادي وبتهزر به , دلوقتي عايز تحركه عشان يقول ( لا اله الا الله) اسهل كلمة ع وجه الارض .
سبحان الله لا يستطيع ان يتحرك وينطق بكلمة الحق لان مش هو اللي بينطق لالالا دا عملك طول حياتك هو اللي هينطق هو اللي هينجدك في اللحظة الرهيبة دي .

هيا اخواتي
انطلقي الآن لأقرب محل نقاب
وخلي دي اول خطوة معكِ في طريق التغيير
صدقيني هتفرق معاكي جدااااااا في كل حياتك واللي هيحسسك بالفرق دا اوي
رمضااااااااااااااااان
فاستعدي له عشان يحسسك بالفرق دا

يلا يا اختي مفيش وقت
اعزمي النية
وتوكلي علي الله واستعيني بالله
وفرحينا بقي قبل رمضان

وعشان متدخليش الساحة العسكرية دي تاني

انا مش عايزة الاقي اي اخت هنا خالص
لييييييه ؟
عشان اللي كانوا هنا كانوا غير منتقبات وخلاص دلوقتي بقوا منتقبات عفيفات .

أسأل الله ان يمُن علي جميع بنات الاسلام واولهم اختي واخواتي جميعا بالنقااااااااااااااب عاجلاً غير آجلاً
واللهم بلغنا رمضان
اللهم امين يارب

وجزاكم الله خيراً

مشكورة حبيبتى

» من اسباب دخول الجنة
» تنبية هام ارجو الدخول
» خطورة الاندومى ارجو الدخول
» موضوع تعبير عن الربيع
» موضوع تعبير جميل عن ثورة 25 يناير