أين السعــــــــــــــــــادة ؟؟؟

-السلام عليكم ازيك ؟

يا عم سبني في حالي

- طب ليه كده ؟

قرفان من الدنيا ومهموم ..نفسي أبقى سعيد يا اخي

- طب وايه اللي حايشك ؟

يعني اطلع اقف في الشارع وانده تعالي يا سعاده انتي فين يا سعاده انا اهو بأمارة الورده البيضا في عروة الجاكته !!

- طول بالك بس ..اكيد انت بعيد عنه

عن مين ياعم الحاج

- عن ربنا

أفتي بقى فيها وعرفت ازاي حضرتك

- عرفت لأن القرآن حق وربنا لا يقول إلا الصدق

عارف طول مانت كئيب كده ده دليل على صحة القرآن

مش فاهم

- ولو كنت سعيد كان هو ده اللي هيكون الغلط

ممكن توضح اكتر

حاضر ..تعالى نشوف منهج ربنا قال ايه :

" وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى " طه 124 - 126

-قولي بقى لو كنت سعيد مش ده يبقى عكس منهج الله ؟!

يبقى لازم تكون مش سعيد لانك بعيد عن منهج ربنا بعيد عن ذكر الله

يعني لو اطعت ربنا أكون سعيد ؟

- انا هسيب ربنا يرد عليك افتح منهج الله وإقرا الاية :


" مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وّلنجزينّهم أجرهم بأحسن ما كانوا يعملون ". سورة النحل 97

يعني شرط الحياة الطيبة السعيده في الدنيا والاخره هي العمل الصالح "إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ " فاطر 10
عرفت السعادة فين ؟؟؟