قل*لا اكراة فى الدين*ولا تقل*لكم دينكم ولى دين*

الحمد لله والصلاة والسلام على رسول الله
صلى الله عليه وآله وسلم

الموضوع باختصار زى ما هو مكتوب فى العنوان
لاحظت إن كتير مننا بيرددوا الآية دى لما يكونوا بيتكلموا مع النصارى
وعلى فكرة الآية دى بتعجب النصارى كتير وبتلاقيهم انبسطوا بعدها بأه
وحتى الملاحدة كمان اللى مش لهم دين بيقولوا طالما نبيكم قال كده يبقى هو رضى إن كل واحد يكون له دين وأقر بدين كل واحد

وهذا خطأ لم ولن يقر نبينا ولا نقر نحن بدين غير الإسلام

الآية جميلة طبعا جدا وبتخلى فى قلوبنا حب لديينا
لكن المشكلة فى موضع ووقت استخدام الآية " لكم دينكم ولى دين "

الآية دى يا جماعة مش معناها كل واحد يعبد اللى يحبه وكل واحد صح وخلصنا على كده
لأ
الآية دى براءة من الشرك وبراءة من الكفر

وسبب نزول سورة الكافرون باختصار : إن كفار قريش لما لقوا النبى صلى الله عليه وسلم مصر على دعوته ورسالة الإسلام وطبعا هما عارفين وواثقين إنه صادق وده اللى مخوفهم
فبدأو يقولوا له طيب : تحب نديك فلوس وتبقى أغنى واحد فينا وتسيب الكلام اللى بتدعونا ليه ؟
طبعا رفض لأن دى رسالة ربنا وهو مأمور بتبليغها
قالوا له طيب : إيه رأيك نخليك أنت الزعيم بتاعنا وكلنا تحت امرك بس تبطل دعوة الناس ؟
طبعا رفض عليه الصلاة والسلام

فى الآخر قالوا إن جاته لهم فكرة عبقرية بأه

( ياسيدى على العبقرية شوفوا )

طيب إيه رأيك نعبد إلهك سنة وأنت تعبد إلهنا سنة ؟


فنزلت الآيات :


بسم الله الرحمن الرحيم
( قل يا أيها الكافرون * لا أعبد ما تعبدون * ولا أنتم عابدون ما أعبد * ولا أنا عابد ما عبدتم * ولا أنتم عابدون ما أعبد * لكم دينكم ولى دين )
صدق الله العظيم

رسالتى بأه إلى أخواتى فى الله
لو حابين تقولوا لحد إننا مش على دينكم وأنتم مش على دينا
او تدافعوا عن أخواتكم المسلمات اللى بيطلق عليهم إشاعات إننا أجبرناهم على كده
قولوا " لا إكراه فى الدين "
لأن لو حد تم إكراهه على الدخول فى الإسلام يبقى ببساطة مش مسلم
لأن الإسلام أصله الإيمان اللى يستقر فى القلب عن اقتناع تام
ويتعقد فى القلب زى العقدة كده
إزاى المكره على الإسلام يبقى مسلم ؟
" لا إكراه فى الدين "

_____________________________________________

قول الشيخ صالح الفوزان

معنى الآية " لكم دينكم ولى دين "
إنما تقال للكفار إذا رفضوا قبول الحق ودعونا إلى إتباعهم ؛ فحينئذ نتمسك بديننا ونتبرأ من دينهم .
وليس معنى : ﴿ لَكُمْ دِينُكُمْ وَلِيَ دِينِ ﴾ : أننا نتركهم على كفرهم دون أن ندعوهم إلى الحق لإخراجهم من الظلمات إلى النور

_____________________________________________

((لكم دينكم ولي دين )) هي براءة من الشرك وليس في هذه الآية أنه رضي بدين المشركين ولا أهل الكتاب

_____________________________________________

أقول قولى هذا واستغفر الله لى ولكم فاستغفروه

اسعدنى مرورك

بزمتكم يا بنات هم كانوا عايزين يدوا الرسول يعني فلوس والزعامة عليه مسالتوش ليه يعني بالظبط حطوا مكانة كبيرة زي العامة مثلا للرسول انا حاسة انهم كانوا واكيد يحسوا ان الدين ده هوا الصح ولما الناس هتشوف انه هوا الصح هيدخلوا فيه وهيسبهم فانا اعتقد انهم كانوا يحسبوا انه هوا الصح

ايوة

بس لو هم كانوا حاسين بكده وعارفين ليه كانوا بيحاربوه ؟ علشان ميطلعوش نفسهم غلطانين بعد الزمن اللي عدا ده كله وعلشان ميطلعوش معتقدات ااباءهم واجدادهم غلط في الاخر؟

ايوة والله ما انا عارفة هما بيحاربوا على اية