الخلطه اللي هتخلي شعرك يطول ويتقل وينعم

انا النهارده كاتبلكوا وصفه من اختراعي
لان انا بقالي كتير جدا مهتما بالشعر وعرفت خلطات كتير جدا
والحمدلله عارفه كل فوايدها وكنت كل اما اشوف خلطه اشوف ايه الحاجه الجديده وافضل ابحث عنها كتير لحد مااعرف كل حاجه بالتفصيل
وعشان كده حبيت افدكوا بيها لاني انا كنت كاتبها لناس علي الخاص وشكروا فيها
كتير فقلت اخليها علي العام عشان الكل يستفيد
وهيا عباره عن تجميع لانجح الخلطات في خلطه وحده
طولت عليكوا نيجي للخلطه


تحضير الخلطه
1-لازم يكون عندنا مجموعه من الزيوت وانا اخترت احلي الزيوت
زيت الحشيش وده بيطول ويتقل الشعر
زيت الخروع بيتقل الشعر
زيت النخاع التونسي الاصلي او زيت نخاع نقي وده بيتقل ويطول
زيت اكليل الجبل وده بيتقل
زيت الخردل وده بينشط فروه الشعر
زيت دابر املا الاخضر الاماراتي
زيت عاملاه علي ايديا وهو عباره عن علبه زيت عافيه
وتقطعي عليها فلفل اخضر وحلبه مطحونه وسبته يتخمر كذه يوم

كده بقي عندنا مجموعه من احلي الزيوت نخلطهم مع بعض بمقادير متساويه
ونحط عليهم خميره فوريه ويبقي كده عندنا ازازه الزيت بتاعتنا

2-الاعشااااااااب وانا كتابتلكوا احلي اعشاب
المشاااااااااااااااااااااااط وده الصراحه عرفته من المنتدي الجميل ده
وهو رهييييييييييييب فعلا بيطول وينعم ويتقل الشعر

السدر وده بيطول الشعر وهو رخيص مش غالي

الاس وده رهييييييييييييييب في تطويل الشعر

اكليل الجبل وده بيتقل الشعر

الارد وده عرفته برده من المنتدي وهو بيطول الشعر


كده بقي عندنا مجموعه الاعشاب نخلطها مع بعض

3-طريقه استخدام الخلطه ركزوا بقي معايا
اول حاجه نجيب 3 معالق كبيره من الاعشاب او علي حسب طول الشعر ونعجنهم ب
10 معالق من الزيت بتاعنا اللي احنا جهزنا
بعد كده نجيب علبه زبادي ومعلقه عسل نحل ومعلقه مايونيز ونقلب الخلطه كويس


بعد كده نجيب حزمه جرجير ونجيب نص بصله وفصين توم ونعصرهم في الخلاط مع شويه مايه ونحطهم علي النار يغلوا مع قرنفل وجنزبيل وشاي اخضر وقرفه وورق زعتر
والنقطه دي مهمه لان الجنزبيل بينشط فروه الشعر ويمنع القشره
والشاي مفيد للشعر وورق الزعتر بيمنع التساقط
بعد كده نجيب الخليط المغلي ده نحطه علي خلطه الاعشاب ونقلب بقي

ونسمي بالله ونحط الخلطه من الجذور ونغطي بيها شعرنا ونحط بونيه
ونغسل شعرنا بعد 5 ساعات بالشامبو والبلسم
وممكن تحطوا بعدها حمام كريم وتشطفيه من غير مايه
ولما تسرحي شعرك لفيه وابقي شوفيه تاني يووووووووووووووووم

ولو استمرتوا علي الوصفه دي هتدعولي من نتيجه شعركوا وادي الصور
الخلطه اللي هتقلب شعررررررررك ويبقي طويل وتقيل وناعم ومن بعدها مش هتعرفي شعركدي صوره عشبه الاس وهي شبه السدر وهما مطحونين بيكونوا شبه الحنه
الخلطه اللي هتقلب شعررررررررك ويبقي طويل وتقيل وناعم ومن بعدها مش هتعرفي شعركودي صوره اكليل الجبل

وادعولي بقي ومتنسوش التقيم عشان الموضوع يتثبت
وانتظروا مني الجدول الكامل للعنايه بالشعر لاني بعمله حاليا بس مش هكتبه الا لما انتهي منه

مرسى ليكى

اللهم صلى وسلم وبارك على سيدنا محمد
هههههههههههههههههههههههههههههههه
المرسى لله دى تقليفة دى يا بنت ولا اية

عليه افضل الصلاة والسلام
هههههههههههههههههههههههه هقولك ايه يعنى خليهاوخلاص هههه

الشكر لله يا منتقبة

منتقبة انتى اسمك الحقيقى اية؟؟؟؟؟؟؟؟