منتدي المرأة المسلمة
أهلا وسهلا بك زائرتنا الكريمة، تسعدنا زيارتك لنا , ويسعدنا أكثر أن تقوم بالتسجيل والمشاركة معنا فى أقسام المنتدى المختلفة.




 
الرئيسيةالتسجيلدخول

شاطر | 
 

 العادة السرية..المواقع الاباحية..مفيش فايدة..!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رسولى قدوتى و حبيبى
مديرة المنتدي


البلد(الدولة) : مصر

المحافظه(المدينه) : القاهرة
الحالة الاجتماعية :
  • تلميذه

الوظيفة :
  • تلميذة

الديانه : مسلمة الحمد لله
ماهو قسمك المفضل في المنتدي؟ : المنتدي كله
ماهو لونك المفضل؟ : الموف

عدد المساهمات : 755
تاريخ الميلاد : 11/08/1990
تاريخ التسجيل : 26/05/2010
العمر : 26
الموقع : http://ismsm.ahlamontada.com
العمل تلميذه

مُساهمةموضوع: العادة السرية..المواقع الاباحية..مفيش فايدة..!    الأربعاء 16 فبراير 2011, 7:14 am







العاده السريه..!!!!
مشكلة عدم غض البصر وفتنة النساء ..!!!!
مشكلة الاباحيه ..!!!

كلهم بيلفوا فى دايرة مفرغه..والشباب للاسف بيلف معاهم..الا من رحم ربى..

مفيش جواز ..ومحدش يقعد يقولى شيل النت ولا كسر التلفزيون ولا احبس نفسك فى البيت...!

نجيب من الاخر..احنا عايزين حلووووووول عملييييييييييه...مش عايزين كلام كتير...




نبدأ بسم الله ..

(1)استعن بالله اولا واخيرا..
اصل مهما حاولت ومهما عملت انت عبد ضعيف ليس لك حول ولا قوة ..لازم تعترف قدم نفسك بكده ..ولازم تقول يارب..قوينى وساعدنى مليش غيرك ..ده سيدنا يوسف(عليه السلام) مع انه نبى ولكنه استعان بالله علشان يبعد امراه العزيز عنه..قال (وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ) فربنا استجابله ونجاه..
(فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ)
يبقى لازم تقول يارب وانت على يقين انه سبحانه وتعالى شايفك وحاسس بيك ولو انت عندك نيه صادقه فى التوبه هيقربك ويبعدك عن اى معصيه ..لانه خلقك وهو الوحيد سبحانه وتعالى اللى عالم بضعفك وعلشان كده مش هيسيبك وباذن الله برحمته هينجيك من المشكله دى..بس انت اصدق مع الله ولو مره..!!




(2) الصحبه ثم الصحبه ثم الصحبه..ليه؟؟
اصل ااى شاب غير صالح هتقعد معاه ماوراهوش غير البنات وسيرتهم .يا سيرة الافلام يا الاباحيه ..كله من النوعيه الهباب دى..!!ومجرد بس ما حد هيفكرك هتلاقى الشيطان ما صدق وعمال يفكرك ويزغ فيك ويقلب الشهوه جواك ومع السلامه..!!
يبقى لازم صحبه صالحه ..ياخدوا بايدك لو وقعت ..ويرفعوك ويعلوا همتك فى الدين ويذكروك بربنا دايما ..
طيب الاقيهم فين..؟؟؟
اكيد مش ع القهوه ولا الكافيتريا ولا فى النادى..!!
هتلاقيهم فى المسجد..وفى دروس العلم ..على موقع احلى حياة
..دور بس وانت ربنا هيدلك ويرشدك..



(3) اشغل نفسك..اياك والفراغ..اياك..اياك..اياك..اياك..اياك..اياك..اياك..اياك.. !!!
عارف مجرد بس ما هتقعد فاضى قدم النت او حتى مع نفسك دقيقه..هتلاقى شوشو(الشيطان) ونفسك الاماره بالسوء لعبوا بيك كوره..!!
اصلهم ما ورهمش غيرك..عايزين يودوك فى ستين داهيه ..!
فلازم تشغل وقتك..
طيب اشغله بايه..انا باجى من الكليه او الشغل بقعد فاضى ..ما وراييش حاجه..!1!!
ايه ايه ايه؟؟ازاى ما وراكش حاجه..؟؟
فين القران اللى قريته انهارده؟؟ ..فين الاذكار ؟؟ فين مساعده الوالدين ؟؟فين صلة الرحم؟؟فين طلب العلم .؟؟ فين الدعوه الى الله ؟؟ فين سمع المشايخ والدروس والخطب؟؟
حط لنفسك جدول محاسبه ولما تخلصه نبقى نتقابل ان شاء الله..!!!!



(4) ابعد البنزين عن النار ...يعنى ايه ؟؟؟
يعنى تجنب فتنة النساء لانها سبب كل البلاوى دى..ازاى ..ده الواحد بيتكعبل فيهم فى الشارع وفى التليفزيون والنت والموبايل ..!!
انت وشطارتك بقى يا حلو..فى الشارع استعن بالله وغض بصرك وحاول تصوم..
فى النت..الغى خاصية اظهار الصور خالص..
حط برنامج مانع للمواقع الاباحيه..
فى التليفزيون ..الغى كل القنوات الغير اسلاميه ..
طيب ليه الكلام ده كله..؟؟
خليك فكر انك لازم تقفل الباب بالقفل ..لانك لو سبته موارب ولو (سم) واحد ..الشيطان مش هيسيبك..اى نظره ولو كانت صغيره هتقلب عليك المواجع..!!



(5) عاقب نفسك..!!
ايه ؟؟؟اعاقب نفسى..؟؟لييييييييييييه؟؟ده انا احسن من غيرى كتير..!!
لو عايز تبقى مع النبى فى الجنه ..عاقب نفسك...!!
لو عايز ما تتحرمش من رؤية وجه ربنا فى الجنه ..لازم تعاقب نفسك..!!
طيب ازاى..!!
كل واحد ادرى بنفسه..يعنى مثلا لو بتحب الاكل ..عاقبها بالصيام..!!
بتحب الخروج ..ماتخرجش..ما تشتريش الحاجه اللى كنت ناوى تشتريها..كده يعنى..



(6) هتموووووووووووووووت..والله هتموت ..
انت مش مصدق ولا ايه..!!
وطالماا نت عارف انك هتموت وهتتحاسب على كل حاجه ..يبقى بيتعصى ربنا ليه ؟؟!!!
مش انت عارف ان اللى بيعصى ربنا هيدخل النار ..؟؟
بس للاسف احنا مش عارفين يعنى ايه نار الاخره ...؟؟؟
علشان كده ..من الوسائل المجربه والفعاله...
ساعة ما نفسك او الشيطان يوزك ..روح جرى على البوتجاز او ولع عود كبريت ..وقرب ايدك منه..وقول لنفسك انتى مش قادره تستحملى ثانيه من نار الدنيا..امال هتعملى ايه فى نار جهنم..!!!!!
وعلى طول لازم تذكر نفسك بالموت ..ازاى..؟؟
زور المقابر وشيع جنازات..
اسمع شرايط كتير عن الموت والدار الاخره...حطهم على موبايلك ..على الجهاز ..علشان يفكروك دايما..
اكتب ورقه او لوحه وعلقها فى اوضتك..كده يعنى..



(7) الجنه..ايوه الجنه ..!!
انت عارف ايه هى الجنه؟؟؟انت عارف ايه نعيم الجنه؟؟
انت عارف انت بتضيع ايه من ايدك بمعصيتك دى..؟؟
لازم تسمع دروس وتقرا عن الجنه علشان تعرف نعيم الجنه وتعرف ان نساء الدنيا كلهم مهما كانوا على اعلى درجه من الجمال فهم بشر !
ازاى تبيع الحور العين اللى لو ضحكت الجنه تنور من ضحكتها علشان شهوة دقيقه او ساعه او حتى سنه..!!



(Coolحصن نفسك بالاذكار اللى بتحميك من الشيطان زى لا اله الا الله وحده لا شريك له له الملك وله الحمد وهو على كل شئ قدير 100 مره صباحا ومساءا.. وخليك على ذكر على طول ..





(9) ربنا شايفك ؟؟!
ربنا..السميع البصير..شايفك ..ومطلع عليك..وانت جعلته اهون الناظرين ليك ..ليه؟؟؟
لازم تفضل على طول متذكر رقابة الله عليك ونظره اليك واطلاعه على قلبك قبل اعمالك..!
هات ورقه واكتب عليها ( الله يراني ) والزقها على الشاشة قدامك على طول..او هات استيكر جاهز والزقه..
وباذن الله مش هتقدر تعصى ربنا كل ما تبص ع الورقة دي!





(10) اوعى تيأس..!!
لانك بشر ..مش معصوم ..لازم هتقع ..وكل مره هتقع فيها بعد ما تتوب لازم تكون المره اللى بعدها اقوى وتعرف ايه اللى وقعك وتسد نقط ضعفك فى وش الشيطان والنفس..
الشيطان هيقعد يقولك هى مره وتعدى ..مجتش من مره .انت كنت بتعمل الف مره قبل كده ..وبعد كده مش هيسيبك..هيقولك اديك وقعت يا حلو ..مفيش فايده..انت متقدرش تعيش من غيرها ..
فلازم تكون عارف انه مفيش حاجه اسمها يأس..!!
انت ماشى على روشته علاج..لازم تكملها للاخر..علشان تجيب نتيجه..لو اى حاجه حصلت وانت فى رحلة العلاج لازم تصبر وتكمل الدوا..!
وخليك عارف ان ربنا هيقبلك لو روحتلته تايب وانت معاك ذنوب قد الارض والبحار والدنيا كله..
وزى ما النبى صلى الله عليه وسلم قال (ان الله لايمل حتى تملوا)
بل بالعكس ..لو تبت وصدقت فى التوبه وبدات تعمل اعمال صالحه..ربنا هيبدل سيئاتك كلها حسنات..!!!
معقول الكلام ده!!!!؟؟؟
اااااااااااااااااااااااه ..يقول تعالى (إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا) ..

(11) خد الهديه دى واقبلها منى ..(اتفضــــــــــل
)

(12) تابع معانا هنا بقدر الامكان..(هنـــــــــــــا)

(13) واسمع الشريط ده هيفيدك جامد..(هنـــــــــــــا)




ومبروووووووك التوبه والرجوع مقدما ...
وباذن الله نسمع خبر حلو انك بقيت قريب من ربنا ..



---
--
-

ــــــــــــــــــــــــــــ توقيعي في المنتدي ــــــــــــــــــــــــــــ
[center] [URL='http://hh7.net']مركز تحميل[/url]
[/center]
الرجوع الى أعلى الصفحة اذهب الى الأسفل
رسولى قدوتى و حبيبى
مديرة المنتدي


البلد(الدولة) : مصر

المحافظه(المدينه) : القاهرة
الحالة الاجتماعية :
  • تلميذه

الوظيفة :
  • تلميذة

الديانه : مسلمة الحمد لله
ماهو قسمك المفضل في المنتدي؟ : المنتدي كله
ماهو لونك المفضل؟ : الموف

عدد المساهمات : 755
تاريخ الميلاد : 11/08/1990
تاريخ التسجيل : 26/05/2010
العمر : 26
الموقع : http://ismsm.ahlamontada.com
العمل تلميذه

مُساهمةموضوع: رد: العادة السرية..المواقع الاباحية..مفيش فايدة..!    الأربعاء 16 فبراير 2011, 7:15 am

منقووووووووووووووووووول
الرجوع الى أعلى الصفحة اذهب الى الأسفل
قطرات الندى
عضوة هايلة


البلد(الدولة) : فى عالم الخيال

المحافظه(المدينه) : عند كل شئ خيالى
الحالة الاجتماعية :
  • تلميذه

الوظيفة :
  • تلميذة

الديانه : مسلمة والحمدلله
ماهو قسمك المفضل في المنتدي؟ : العاب ومسابقات
ماهو لونك المفضل؟ : بموت فى الغوامق

عدد المساهمات : 1070
تاريخ الميلاد : 04/09/1998
تاريخ التسجيل : 14/11/2010
العمر : 18
العمل تلميذة

مُساهمةموضوع: رد: العادة السرية..المواقع الاباحية..مفيش فايدة..!    الأحد 08 مايو 2011, 5:28 am

جزاكى الله خيرا

ــــــــــــــــــــــــــــ توقيعي في المنتدي ــــــــــــــــــــــــــــ

الرجوع الى أعلى الصفحة اذهب الى الأسفل
 
العادة السرية..المواقع الاباحية..مفيش فايدة..!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المرأة المسلمة :: القرار الشجاع :: الخط الساخن للتائبين-
انتقل الى: