منتدي المرأة المسلمة
أهلا وسهلا بك زائرتنا الكريمة، تسعدنا زيارتك لنا , ويسعدنا أكثر أن تقوم بالتسجيل والمشاركة معنا فى أقسام المنتدى المختلفة.




 
الرئيسيةالتسجيلدخول

شاطر | 
 

 عارف هتحس بإيه اول ما تتوب؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رسولى قدوتى و حبيبى
مديرة المنتدي
avatar

البلد(الدولة) : مصر

المحافظه(المدينه) : القاهرة
الحالة الاجتماعية :
  • تلميذه

الوظيفة :
  • تلميذة

الديانه : مسلمة الحمد لله
ماهو قسمك المفضل في المنتدي؟ : المنتدي كله
ماهو لونك المفضل؟ : الموف

عدد المساهمات : 755
تاريخ الميلاد : 11/08/1990
تاريخ التسجيل : 26/05/2010
العمر : 26
الموقع : http://ismsm.ahlamontada.com
العمل تلميذه

مُساهمةموضوع: عارف هتحس بإيه اول ما تتوب؟؟؟    الأربعاء 16 فبراير 2011, 7:12 am




السلام وعليكم ورحمة الله وبركاته ..

عارف هتحس بإيه اول ما تتوب؟؟؟

الموضوع ده جه في جمله قريتها في كتاب من زماااان

ودي حاجه بيحس بيها كتييير اوى مننا لما تحب ترجع لربنا

بيلاقى نفسو مدايق وجايز حاجات تتعقد قدامو

تعالو نعرف ده من ايه

[b][/b]


قال ابن القيم رحمه الله :

(إن كل تائب لا بد له في أول توبته من عصرة وضغطة في قلبه من هم أَو غم أو ضيق أو حزن، ولو لم يكن إلا تأَلمه بفراق محبوبه، فينضغط لذلك وينعصرقلبه ويضيق صدره، فأَكثر الخلق رجعوا من التوبة ونكسوا على رؤوسهم لأجل هذه [المحنة] )

اوعي تفتكر انك اول ما تتوب خلاص كدا انتا بقيت كويس
علشان تتخرج من الجامعه بتفضل خمس سنين تدرس بس بيتعملك اختبارات
علشان يبان مين ذاكر ومين ما ذاكرش
وفيه تقديرات علشان الناس ما تتساواش جمب بعض

التوبه اعظم من كدا بكتير
اختبارها اشد واعظم من اي اختبار اخر
فهو اختبار جبار السموات والأرض لعبده

طب ده بيحصل ليييييييييه ؟

تعالو نشوف

قال تعالى: {آلم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ * وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللهُ الَّذِينَ صَدَقُوا وَلَيَعْلَمَنَّ الْكَاذِبِينَ}[العنكبوت: 1- 3]، وقال: {لِيَبْلُوكُمْ أَيُّكُمْ أَحْسَنُ عَمَلاً}[الملك: 2]،

ولازم كلنا نعرف لذة وفرحة التوبه بتكون علي قدر الضغطه والعصره اللي بيمر بيها الانسان
فكل ما كانت اكبر كانت لذة التوبه وفرحتها اكبررررر

"يا رب ارزقنا توبة نصوحا تدخلنا بها جنة الخلد مع عبادك الصالحين"


[b][/b]


تعالو نعرف الاسباب

- العصره والقبضه بتكون دليل علي حياة القلب وقوة استعداده للتوبه ، فلو واحد كان قلبو ميت او مش مستعد او استعدادو ضعيف مش هيحصل معاه ده يعني لازم ننوي بجد ونخلص النيه لله ونستعد لاختبار الله تعالي

- الشيطان لص الإيمان ، وطبعا اي حرامي مش هيروح يدور علي خرابه يسرقها لكن بيشوف مكان مغموور علشان يسرقو ، لما تحس بالوساوس الشيطانيه كترت والعصره زادت جواك ، إعرف ان في قلبك اللي مخلي الشيطان حريص انه يسرقو

- التوبه غرضنا منها رضا ربنا والجنه في المقام الأول بعيد عن اي توفيق في الدنيا او اغراض دنيويه ، افتكر ان ما فيش اغلي من جنة عرضها السموات والارض وحياة ابديه مش 80 ولا 90 سنه وهتموت تاني ، لا دي خلاص هتفضل فيها بإذن الله تتمتع بكل ما لذ وطاب من مأكل ومشرب وملبس وحور عـين ، افتكر ما فيش اغلي من كدا ، وإنها تستحق فعلا اننا نجاهد نفسنا علشان نستاهل ندخلها
فيه بعض الناس بيصلو ومحافظين علي واجبات كتير
بس تلاقي عند واحد انو لازم يسمع اغاني
التاني مش قادر يسيب السجاير
التالته مش قادره تاخد قرار تلبس حجابها الشرعي
وبنقول اهو احنا احسن من غيرنا

لو غني من اغنياء العالم علي سبيل المثال
قالك انا هديك كل اللي عايزو في حياتك لمدة سنه
اي حاجه هتتمناها هعملهالك
بس بعد السنه دي هتتحبس وهتفضل متقيد بسلاسل والاكل اللي هتاكلو هيهري معدتك وهتتجلد ليل نهار ومافيش نوم
بالله عليك هتوافق ؟
ما افتكرش ان فيه عاقل هيوافق

ما بالك انتا بنعيم اعظم من الدنيا وما فيهاش وعذاب اشد ما تتخيل
بعت كام سنه من عمرك علشان مجرد نزوات علشان تموت وتبعث وتتعذب ف النار مع الكفار والمنافقين إلي الأبد والعياذ بالله

اوعي تقول هتوب بكرا
طب يوم الجمعه علشان ابقى واخد دش وانزل اصلي الجمعه واتوب
ولا اول الشهر اكون فرقعت البت بتاعتي
ولا لما اتجوز اهو الواحد يكون عقل

تضمن النفس اللي تطلعو يدخل مكانو ؟

طب تفتكر لو مت هتبقى راضى عن نفسك
طمعان في رحمة ربنا ؟

تفتكر انتا كنت بتصلي مثلا خمس فروض
بس كنت شاب عادي وبتلبس وبتسمع اغاني واهو بتصلي اهي اهم حاجه الصلا
تفتكر هتدخل الجنه مع واحد صلي بالليل والنهار ، وناجي ربه في الاسحار ، واقتدي بمحمد سيد الخلق وأشرف الأخيار

هتبقى ايه جنبه ؟

كل عمل عملتو كويس هتلاقيه عمل قصادو عشره

هتتعب ف الدنيا ؟ " خلق الإنسان في كبد "
الناس هتتريق عليك ؟ " نبيك اللي اشرف الخلق وشفيعنا يوم القيامه رمي بالحجاره وكسرت رباعيته وشج رأسه "
هتقول غصب عني هغلط انا مش ملك من السما ؟ " لو لم تذنبو لذهب الله بكم واتي بقوم يذنبون فيستغفرون الله فيغفر لهم "

بس مش معني تقول هسمع الاغنيه دي واستغفر 100 مره


" ألم يأنِ للذين ءامنو ان تخشع قلوبهم لذكر الله " ؟

كفايه ذنوب
قوم صلي
بطل تسمع اغاني
ارمي سجارتك
البسي حجابك
بطل تتفرج علي افلام
بلاش تغلط علي صحابك وتغتابهم
غض بصرك
راضى والدك وولدتك
صل ارحامك
هتلاقي بحررررر من الطاعات قدامك كل يوم تعمل حاجه
مش هتزهق وهتبقى عايز كل يوم تعمل حاجه جديده
مش برنامج هوا خمس فروض وقيام ليل واذكار وخلاص
لا فيه طاعات كتيرررررررررر حتي لو نومك اخلصت النيه لله انك بتريح جسمك علشان تقدر تعبده وان جسدك ليه حق عليك
هتاخد اجر عليه

خلينا نتنافس في الطاعات والعلم بدل ما بنتنافس علي اللي عندو افلام 2010 DVD مش مسروقه
ولا اللي نزل البوم المغنى الفلاني قبل التاني
ولا اللي جاب لبس زي المطرب مين

كفايه غفله لحد كدا ويلا كلنا نتوب

[b][/b]


تعالو نشوف الدنيا هتبقى ازاي في عنيك بعد ما تتوب ؟

إنّ التائب منكسر القلب.. غزير الدمعة.. حي الوجدان.. قلق الأحشاء..
التائب.. صادق العبارة.. جم المشاعر.. جياش الفؤاد.. مشبوب الضمير..
التائب.. خلي من العجب.. فقير من الكبر.. مقل من الدعاوى..
التائب.. بين الرجاء والخوف.. بين السلامة والعطب.. بين النجاة والهلاك..
التائب.. في قلبه حرقة
التائب.. في وجدانه لوعة
التائب ..في وجهه أسى
التائب.. في دمعه أسرار..
التائب.. مجرّب.. ذاق العذاب في البعد عن الله.. وذاق النعيم حين اقترب من حب الله..
التائب.. له في كل وقعة عبرة.. إذا رأى جمعا ذكر القيامة.. وإذا رأى مذنبا بكى عليه خوفا من ذنوبه..
إذا رأى نعيما خاف أن يحرم الجنة.. وإذا رأى نارا ظن أنه مواقعها..
التائب.. إذا هدل الحمام بكى.. وإذا صاح الطير ناح.. وإذا شدا البلبل تذكّر..
و التائب..إذا لمع البرق اهتز قلبه خوفا ممن يسبح الرعد بحمده والملائكة من خيفته..
التائب.. يجد للطاعة حلاوة.. يجد للعبادة طلاوه


لكن حذارِ تتخلي لما تتوب وتلتزم تفرط في كرامتك
وتدوس علي نفسك
وتنحني بين الناس وتروح شخصيتك
ولا كمان تكون زي الاول
لكن اتعلم ازاي تبقى شخصيتك قويه وحليم
وازاي ما تتنازلش عن كرامتك وفي نفس الوقت تعفو تصفح
وازاي ما تسبش حقك وما تظلمش

واوعىىىىى تسيب مجال حياتك اللي بتشتغل فيه او دراستك وتقول انا هتوب وتتفرغ تفضل تقرأ فقه وتفسير وسيره وحديث

لا اعمل كل ده واتفقه فى الدين بس برده بجانب شغلك ودراستك وخلى هدفك انك تتعلم وتفيد امتك بعلمك ده
احلم تبقى عالم ،دكتور، مبتكر
خلي عندك هدف عايز توصلو وتحققو واوعي تعيش عادي انك تتخرج تتجوز تشتغل تطلع معاش ونهايتك كدا وخلاص


استحضر نيتك وقلبك وعقلك وكل كيانك ويلا نبدأ حياة جديده فى طاعة الله عز وجل..

منقول

ــــــــــــــــــــــــــــ توقيعي في المنتدي ــــــــــــــــــــــــــــ
[center] [URL='http://hh7.net']مركز تحميل[/url]
[/center]
الرجوع الى أعلى الصفحة اذهب الى الأسفل
قطرات الندى
عضوة هايلة
avatar

البلد(الدولة) : فى عالم الخيال

المحافظه(المدينه) : عند كل شئ خيالى
الحالة الاجتماعية :
  • تلميذه

الوظيفة :
  • تلميذة

الديانه : مسلمة والحمدلله
ماهو قسمك المفضل في المنتدي؟ : العاب ومسابقات
ماهو لونك المفضل؟ : بموت فى الغوامق

عدد المساهمات : 1070
تاريخ الميلاد : 04/09/1998
تاريخ التسجيل : 14/11/2010
العمر : 18
العمل تلميذة

مُساهمةموضوع: رد: عارف هتحس بإيه اول ما تتوب؟؟؟    الأحد 08 مايو 2011, 5:49 am

انا حسيت لما توبت انى فى جنة الحياة اختلفت معايا خالص يعنى انا كنت برد على مواضيع دينية من غير ما اقرائها او اقرة نصها ومكملش وكنت زهقانة اوى
ودلوقتى بعدما توبت حسيت انى عندى قبول انى اقرا المواضيع الدينية اكتر من انى اتفرج على الصور
انا كنت فاكرة الاول بدام انا بصلى يبقى خلاص انى توبت وساعتها كنت بحس بملل وانا بصلى لكن بعد مواضيعك اللى انا قرائتها حسيت بحاجة تانية تصدقى انا بقول الا اله الا الله محمد رسول الله على طول لكن بعد ماتوبت كل حاجة اختلفت مش هتصدقى انا توبت امتا توبت امبارح اة والله وقررت انى اقرا القران واصلى مسمعش اغانى وبدل ما اتفرج حتى على الكرتون اعد على الكومبيوتر اتفرج على حاجات من قنوات الرحمة والناس واسمع اغانى دينية فاكرة لما قولت انك كبرتى موضوع الفرح الاسلامى فى دماغى خلاص انا هعمل فرحى اسلامى
ونتقابل فى الجنة ان شاء الله
متنسيش ماشى

ــــــــــــــــــــــــــــ توقيعي في المنتدي ــــــــــــــــــــــــــــ

الرجوع الى أعلى الصفحة اذهب الى الأسفل
 
عارف هتحس بإيه اول ما تتوب؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المرأة المسلمة :: القرار الشجاع :: الخط الساخن للتائبين-
انتقل الى: